原标题：《金宵大厦》阿萧被老师困水箱！CocoAlex齐
TVB神剧《金宵大厦》将于下周日播出大结局，剧情愈趋紧张，观众一边追看，一边满头问号，究竟边个系Big Boss？
黑猫靓宝同林老师有咩密切关系？Alex究竟死咗未？消失后会唔会再返嚟？最终会唔会同阿萧一齐？
陈山聪早前曾透露张彦博系剧中最恐怖角色，亦有指其真正身份系猫妖，即令人联想到Big Boss就系佢；施嬅剧中又经常指有Big Boss，似乎都系同后生时期嘅林老师有关。
观众眼中嘅林老师一直古古怪怪、心谋奸计，之后佢仲会将阿萧困喺天台嘅水箱入面，唔通阿萧就咁畀佢整死？
而之前Alex一出现就有水作怪，唔通同阿萧困水箱有关连？Alex之前消失，喺嚟紧嘅剧情中将会喺天台出现，唔通佢返嚟系为咗救被困水箱嘅阿萧？而今次嘅剧透更同大家卖大关子，今次返嚟嘅人唔单止得Alex一个，连Coco都会出现埋呀！